Preseadis e Preseâts

Al è cun plasê che Us segnalìn lis iniziativis

"il Piçul princip
par furlan"

presentazion Joibe ai 7 di Fevrâr, li de Librarie Friuli

E je in program, aes 18.00, li de Librarie Friuli
di Udin (vie dei Rizzani, 1) la presentazion
dal libri Il Piçul Princip par furlan,
un progjet dal editôr Nota, finanziât de ARLeF.

Une gnove traduzion di un classic de leterature mondiâl, acompagnade de leture integrâl in doi CD cu la vôs di Andrea Zuccolo
e cu lis musichis di Vittorio Vella.

Il libri al à dentri ducj i dissens origjinâi
dal autôr Antoine de Saint-Exupéry.

Il Piçul Princip al è un viaç par cirî il sens de vite,
il significât dal amôr e de amicizie.

Par savênt di plui
lei online

"fieste de patrie
dal friûl 2019"

Bant di 35.000 euros dedicât ai ents locâi:
Scjadince ai 20 di Fevrâr dal 2019

La ARLeF, Agjenzie Regjonâl pe Lenghe Furlane,
in atuazion des normis de L. R. n. 6/2015 e sosten la realizazion
di manifestazions culturâls pe celebrazion de Fieste de Patrie dal Friûl di bande di ents locâi in colaborazion cun Pro Loco
e altris sogjets publics e privâts cence fins
di vuadagn o a fins mutualistics.

A son metûts a disposizion 35.000 euros par ducj i ents locâi
che a àn la lôr sede intun dai comuns des ex provinciis
di Gurize, Pordenon e Udin.

Lis ativitâts culturâls si puedin davuelzi
dai 18 di Març ai 14 di Avrîl dal 2019.

Lis domandis a varan di rivâ dentri dal tiermin perentori
dai 20 di Fevrâr dal 2019, dome vie PEC
ae direzion arlef@certgov.fvg.it

Fracant chi o podês acedi al bant,
al regolament e ai modui

lei online