Preseadis e Preseâts

Al è cun plasê che Us segnalìn lis iniziativis

“avostanis 2017”

a vilecjaze si presente
une gnove "âf blu"
martars ai 22 di Avost, aes 9 DI SERE

Te suaze de manifestazion "Avostanis", inmaneade de
Associazion Culturâl Colonos, e torne ancje chest an
"Provis viertis di culture furlane",
une serade speciâl dedicade ae presentazion al public
di gnûfs progjets e di ativitâts inovativis
che a son daûr a disvilupâsi te comunitât furlane,
sedi di un pont di viste culturâl che linguistic.
Cheste serade di simpri e premie aspiets stimâts fondamentâi,
tant che la creativitât, la elaborazion e la inovazion tal cjamp artistic,
in chel de ricercje e de sperimentazion.

L'apontament al è par martars ai 22 di Avost, aes 9 di sere,
a Vilecjaze di Listize, li dal agriturisim "Ai Colonos".
Pe ocasion, al vignarà presentât ancje
il gnûf progjet dal carton animât de "Âf Blu",
che cumò, in graciis de poie de ARLeF, al devente di respîr internazionâl cul coinvolziment, in fase di produzion, de udinese Tucker Film.
A saran presints la autore Serena di Blasio
e il regjist Matteo Oleotto.

No mancjarà une postazion informative de ARLeF - Agjenzie Regjonâl pe Lenghe Furlane, cun materiâl promozionâl su la lenghe furlane.

Fracant chi o podês lei il program complet

“aaa si cirin volontaris”

lis prossimis tapis, Friuli doc e gusti di frontiera

Come ogni an, la ARLeF e varà une sô postazion
e e organizarà diviersis ativitâts intes manifestazions di
Friuli Doc a Udin (dai 7 ai 10 di Setembar dal 2017),
e di Gusti di Frontiera a Gurize (dai 21 ai 24 di Setembar dal 2017),
par promovi la lenghe furlane soredut tra i zovins.
Par chest, la Agjenzie e domande la colaborazion preziose
di volontariis e volontaris.

I zovins che a volaran vivi cheste esperience, si dedicaran al acet dai visitadôrs, ae distribuzion di materiâl, ae informazion plurilengâl al public
e al supuart logjistic, colaborant cul personâl de ARLeF.

Par proponiti o par vê plui informazions, scrîf a:
francesca.battistutta@sportelfurlan.eu