Preseadis e Preseâts

Al è cun plasê che Us segnalìn lis iniziativis

“IL GDBtf cumò
ancje intune app"

disponibile su smartphone e tablet, sedi par ios che android

Di cumò, in graciis de gnove app, volude de ARLeF, il Grant Dizionari Bilegâl talian-furlan (GDBtf) si podarà consultâ no plui dome
midiant dai volums di cjarte, i cd o i computer,
ma ancje di ducj i struments tecnologjics mobii.
La app, disvilupade dal CLAAP, si pues discjamâ a gratis
sedi par iOS che par Android, par vê rispuestis sveltis e inzornadis.
Di fat, al sarà pussibil acedi ae svelte ai miârs di lemis
contignûts tal GDBtf (passe 70.00 lemis pal talian,
che i fasin riferiment 68.000 lemis furlans).

Par miorâ ancjemò di plui la sô fruibilitât,
la interface grafiche e je stade rinovade ad implen
ancje par permeti une leture plui semplice e facile.

Cun di plui, si podaran vê, in maniere periodiche, ducj i inzornaments
e lis informazions su lis ativitâts de ARLeF, tignint cont che, par altri,
plui si consulte e plui il program si sveltìs, stant che al memorize,
volte par volte, ducj i lemis cirûts.

Un strument di consultazion moderni,
par ducj chei che a vuelin scrivi in maniere corete
daûr des regulis de grafie uficiâl de lenghe furlane.


Fracant chi o podês discjamâle

“la arlef ae
fieste da viarte”

apontament a cormons, domenie ai 21 di MAi

Il program de ARLeF ae Fieste da Viarte edizion 2017, organizade a Cormons de associazion culturâl Amîs de Mont Quarine, al è une vore siôr.

Par dute la zornade di domenie ai 21 di Mai la Agjenzie
e darà il bon acet a ducj i visitadôrs cuntune sô postazion,
propit ae jentrade de manifestazion, da pît de Mont Quarine,
par fâ cognossi la sô ativitât intun contest di fieste,
cun tancj gadgets e materiâi in lenghe furlane preparâts di pueste.

Aes 11, invezit, al è programât l'apontament pai plui piçui e il laboratori creatîf Zûcs, dissens, colôrs e contis, par cognossi di dongje
UT, il gjatut furlan cetant simpatic e un tic mataran protagonist des aventuris contadis tai trê libruts in lenghe furlane "A ogni frUT il so librUT".

Ae Fieste da Viarte e fâs tape ancje la mostre
FURLAN, LENGHE DE EUROPE,
promovude de ARLeF e curade dal diretôr William Cisilino.
La mostre, ospitade a Palaç Locatelli, sede dal Municipi di Cormons,
e je componude di 14 panei cun tescj par furlan e par inglês
che a ilustrin la storie, la culture, la comunicazion e
la politiche linguistiche metude in vore intal teritori furlanofon de regjon.

La mostre e sarà vierte al public domenie ai 21 di Mai, des 10 aes 20,
e fin al 1 di Jugn in chescj oraris:
di lunis a vinars, des 10.30 aes 13
il lunis e il miercus, ancje des 15 aes 18 e la sabide des 10 aes 12.


Fracant chi o podês lei il program complet

“maman!,
La prime trasmission
par fruts dute par furlan,
e va in feriis!"

Pes ultimis pontadis trÊ animazions dal dut furlanis:
la Âf blu, babarut elefantut e flon flon e musute

La prime edizion di Maman!, la trasmission dedicade ai fruts e aes fameis dute par furlan, curade de Agjenzie Regjonâl pe Lenghe Furlane
in colaborazion cun Telefriuli, si siere cul 9 di Jugn
e e da apontament a ducj i siei amiradôrs a Setembar cul tacâ de scuele.

Ma pes ultimis trê pontadis, al puest dai cartons animâts di Omenuts, Maman! e à risiervât une sorprese: i telespetatôrs a podaran tornâ a viodi, ma cheste volte in television, la dolce ÂF BLU, la animazion dal libri BABARUT ELEFANTUT cu la vôs incjantadore di Giorgio Ferigo e la storie comovente di FLON FLON E MUSUTE.
Ocjo a no pierdilis!

In spiete de gnove edizion Daria Miani, la presentadore di chest program
di sucès, e invide i fruts e lis frutis a fâ videos cun barzeletis,
cjançonutis e salûts simpatics vie pal Istât e mandâju a
maman@tvstar.com o al n. 3337202814
par viodiju tes pontadis de gnove edizion.

Maman!
Si viodìn a Setembar... cul tacâ dal gnûf an scolastic.


Fracant chi o podês tornâ a viodi dutis lis pontadis di Maman!