L'event principâl, il conciert intal Teatri Gnûf
"Giovanni da Udine", si davuelzarà il 1n di Dicembar aes 21:00.
Sul palc dal teatri si sfidaran i 9 artiscj in rapresentance
di ancjetantis minorancis europeanis.

I apontaments a van indenant par dut il fin de setemane:
si comence vinars ai 30 di Novembar aes 21.00 cun trê concierts a Cormons (GO), Listize (UD) e Orsarie (UD) dulà che si podaran scoltâ in anteprime i artiscj selezionâts che a rivin di dute Europe.

Sabide il 1n di Dicembar aes 18.30 alì de librarie Tarantola
a Udin a vignaran presentâts i vincidôrs dal premi S. Simon.

Il dopomisdì di domenie ai 2 di Dicembar, a tacâ des 14:30
intal Teatri San Giorgio di Udin, al sarà dedicât ai incuintris,
ae leterature, aes proiezions cinematografichis e al teatri.
Si fevelarà di Friûl, Corsiche, Catalogne e Paîs Basc cui protagoniscj de sene culturâl di chestis regjons.
La zornade si sierarà cul spetacul teatrâl Donald dal Tiliment,
progjet finanziât de ARLeF, gjavât fûr dal test di Stiefin Morat, e metût in sene dal Coletîf Teatro Sosta Urbana.

Stait daûr ae pagjine Facebook di Suns Europe
par ducj i inzornaments!