Preseadis e Preseâts

Al è cun plasê che Us segnalìn lis iniziativis

“la arlef a
friuli doc 2017”

dai 7 ai 10 di setembar,
la agjenzie e sarà tal mieç de int

Si rinove ancje pal 2017 la colaborazion
de ARLeF cul Comun di Udin in ocasion di Friuli Doc,
la manifestazion enogastronomiche plui impuartante de Regjon.
Tantis lis ativitâts e i apontaments
organizâts de Agjenzie inte suaze de manifestazion.

Di joibe ai 7 di Setembar, a Palaç Morpurgo, inte Sale Valle,
si podarà visitâ la mostre "Furlan, Lenghe de Europe"
e, in graciis de colaborazion cun ERSA, tai spazis di chel stes Ent,
si davuelzaran ancje doi apontaments enogastronomics.
Il prin al è "La cusine des minorancis",
une lezion di cusine cun degustazion par scuvierzi lis tipicitâts furlanis,
tignude dai cogos Maria Primosig e Daniele Cortiula,
vinars ai 8 di Setembar, des 12.45 aes 13.45.
Pai fruts, invezit, sabide ai 9 di Setembar, des 12.00 aes 13.00,
e sarà la leture animade di "Il Diaul e la Gubane".

Cun di plui, par ducj i dîs de manifestazion,
di front a Palaç Morpurgo, la ARLeF e sarà presinte cuntune
sô postazion cun materiâi informatîfs, promozionâi e gadgets.

Fracant chi o podês acedi al sît uficiâl
di Friuli Doc

“A friuli doc 2017,
la mostre
Furlan, lenghe de europe”

 di Joibe ai 7 fin domenie ai 10 di setembar,
a palaç morpurgo

  In ocasion di Friuli Doc 2017, daspò lis tapis di Bruxelles,
Teramo, Sapade, Merêt di Tombe e Cormons,
la ARLeF e puarte a Udin la mostre
"Furlan, Lenghe de Europe".

La mostre e sarà screade
joibe ai 7 di Setembar dal 2017, aes 18.30,
a Palaç Morpurgo, inte Sale Valle, dulà che e restarà vierte
al public, cun jentrade libare, par ducj i dîs de manifestazion
e si podarà visitâ cun chescj oraris:
joibe: 17.00 -20.00; vinars, sabide e domenie: 10.00 - 20.00.

La mostre, promovude e organizade de
ARLeF- Agjenzie Regjonâl pe Lenghe Furlane,
par cure dal diretôr William Cisilino,
cu la poie de Regjon Friûl - Vignesie Julie,
e ilustre la storie e lis carateristichis socioculturâls dal Friûl e
e aprofondìs il teme de comunitât linguistiche furlane
e des politichis metudis in vore pe sô promozion.