Ancje chest an la colaborazion tra ARLeF e Mittelfest
e darà vite a un spetacul di nivel artistic alt:
Timp e Tiare - Cent agns des miôr cjançons furlanis,
in program il prin di Setembar aes 21.30, li dal Teatri Ristori di Cividât.
Al sarà un viaç inte cjançon furlane dal ultin secul
cu la partecipazion straordenarie di Tosca,
che e cjantarà pe prime volte in lenghe furlane.
Dongje di Tosca, sul palc si daran la volte lis cjantantis di
ArteVoce Ensemble, direzudis de maestrie di Franca Drioli,
che i è stade dade ancje la direzion artistiche dal event.
La direzion musicâl de serade e sarà di Valter Sivilotti,
che al à ancje curât i rangjaments dai tocs.
Il spetacul al è une coproduzion Mittelfest, ARLeF e Accademia Musicale Naonis in colaborazion cul Conservatori “J. Tomadini” di Udin,
cun ArteVoce Voice&Stage Academy
e la poie de Regjon Autonome Friûl-Vignesie Julie e Fondazione Friuli.
I biliets a son disponibii su www.vivaticket.com.
Par savênt di plui
|
