Preseadis e Preseâts

auguris DI CÛR

In ocasion des Fiestis la Agjenzie Regjonâl pe Lenghe Furlane
e augure ai furlans di dut il mont e di dutis lis divignincis
Bon Nadâl, Bon Finiment e Bon Principi.

O vin la sperance che il furlan al deventi simpri plui il simbul
de nestre identitât coletive ma ancje dal bon acet:
une lenghe speciâl che si confronte cul mont di vuê,
siôr di lenghis e di culturis che si incrosin
e che te curiositât e tal rispiet vicendevul a cjatin motîf
di ricjece, di amôr e di pâs.

Un agrât a ducj chei che te lôr vite di ogni dì
a sostegnin la lenghe furlane
cun passion e cun amôr inclusîf.

Us informìn che ai 31 di Dicembar l'ufici de ARLeF al sarà sierât.