Preseadis e Preseâts

Al è cun plasê che Us visìn che

"Cjase des Paveis"
Le gnove ufierte
didatiche par furlan 

Di pôc la ARLeF e à condividût un protocol di intese cul Comun di Bordan e la Cjase des Paveis par fâ jentrâ la lenghe furlane in maniere simpri plui ative e sinergjiche te ativitât promozionâl, informative
e didatiche di cheste innomenade realtât ecomuseâl.
La Cjase des Paveis e je une des realtâts plui impuartantis a nivel nazionâl e internazionâl, cence considerâ che e rapresente un fatôr di atrat turistic locâl, nazionâl e forest une vore fuart e ancje un mieç di
divulgazion sientifiche e di racuardi cu lis scuelis dal teritori
pe didatiche integrade e interdissiplinâr.
Par screâ cheste gnove colaborazion o sin contents di mandâus il link par scjariâ il catalic de ufierte didatiche pal an scolastic 2015/2016 dut par furlan, voltât di Linda Picco dal Sportel pe Lenghe Furlane dal Comun di Bordan, segnalant che cu la gnove viertidure dal prin di Març dal 2016 la Cjase des Paveis e propon a fruts, students e adults la pussibilitât di sielzi trê laboratoris specifics curâts in lenghe furlane.
Lis ativitâts davueltis par furlan, compagnadis di materiâi fats di pueste
e distribuîts ai partecipants, e che o podês aprofondî
tal catalic che us segnalìn, a son chestis:

1. Un planet di paveis. Il zîr dal mont intune ore o pôc di plui
2. La vite straordenarie di Rosa e Emilio
3. Oms e lâts. Il lât di Cjavaç e la vite dulintor

Us ricuardìn che la Cjase des Paveis e je vierte
dal prin di Març ai 31 di Otubar 2016 in chestis zornadis e oraris: 
dal lunis al vinars des 9.00 aes 18.00
sabide, domenie e dîs di fieste des 9.00 aes 15.00  

Par informazions e prenotazions
des visitis e dai laboratoris o podês clamâ o scrivi:
tel 0432 1636175 - mob. 344 2345406
e-mail: didattica@bordanofarfalle.it

Te ciertece che cheste iniziative e podedi ufrî un supuart in plui
ae ativitât didatiche e un stimul interessant, gnûf e divertent
pai fruts des scuelis dal Friûl, Us saludìn di cûr! 

Fracant chi o podês scjariâ il catalic