Preseadis e Preseâts

Al è cun plasê che Us segnalìn lis iniziativis

Presentazion dal libri

“flon-flon & musute”
par furlan

Vinars ai 29 di zenâr, aes sîs sot sere
a Udin, te caserme osoppo.

Te ocasion de Zornade de Memorie, il Comun di Udin, la Agjenzie Regjonâl pe Lenghe furlane e la associazion El Tomât di Buje a presentin
“Flon-Flon & Musute”, la version in lenghe furlane di
“Flon-Flon & Musette”, libri ilustrât di Elzbieta,
vincidôr tal 1996 dal Premi Andersen.
La traduzion e je par cure di Laura Nicoloso.

Flon-Flon e Musute a son doi cuninuts: amîs che a zuin simpri insiemi fin ae dì che e sclope la vuere e no puedin viodisi plui parcè che Musute "e sta di chê altre bande de vuere". La publicazion e permetarà di puartâ tes cjasis e tes scuelis chest librut tant che strument e supuart didatic pe educazion ae pâs e pal insegnament de lenghe furlane, par fâ saltâ fûr contis di vite vere e tramandadis intune tiere di confin che e puarte memorie vive di vueris, invasions e profugancis. 

 O  varessin gust di vêus
a Udin, tai spazis de Caserme Osoppo in vie Brigata Re.

Fracant chi o podês savê di plui

“IL SÎT DE ARLEF
AL FEVELE PAR INGLÊS”

e JE IN LINIE LA VERSION PAR INGLÊS DAL SÎT.

Il sît de ARLeF,  vincidôr tal 2013 dal Premi Mediastar, un dai ricognossiments nazionâi plui autorevui tal setôr de comunicazion,
si inricjìs de version in lenghe inglese.

In linie za di cualchi zornade, la gnove version e permetarà
ae Agjenzie di vê une visibilitât internazionâl, promovint lis sôs ativitâts e la lenghe furlane a un public simpri plui slargjât.
Un dialic internazionâl fondamentâl, ancje ae lûs de partecipazion de Regjon FVJ a NLPD, la rêt europeane des minorancis linguistichis,
ative tal setôr de politiche e de planificazion linguistiche.

Fracant chi o podês discuvierzi le gnove version

“ROMANÇ IN TRÊ RIIS”

ULTINS DîS PAR PARTECIPâ ae seste edizion
dal concors leterari.

La Associazion Culturâl Colonos, in colaborazion cu la ARLeF, e promôf
la edizion 2015/2016 dal concors leterari par romançs in lenghe furlane,
“In trê riis”. Dôs lis sezions: la prime pai tescj di narative, cun storiis leadis a fats di atualitât; la seconde par un struc in prose de Odissee di Omêr.

I tescj a àn di sei inedits. Ogni autôr al pues mandâ no plui di trê composizions ognidun, ancje dividudis tra lis dôs sezions. II concors al è viert par chei che, ai 15 di Fevrâr dal 2016, no àn passât i 35 agns.

Lis voris a varan di rivâ dentri di miezegnot dai 15 di Fevrâr dal 2016
(e fâs fede la ore dal computer).


Fracant chi o podês lei il bant complet