Preseadis e Preseâts

Al è cun plasê che Us segnalìn lis iniziativis

“LenGHe furlane
e autonomie”
20 agns de Leç regjonâl
n. 15 dal 1996

a san vît dal tiliment une taule taronde
in ocasion des iniziativis pe fieste de patrie dal friûl
Martars ai 22 di Març, aes 5 e mieze sot sere

Il Comun di San Vît dal Tiliment e la Societât Filologjiche Furlane
a organizin un apontament par fevelâ di Lenghe Furlane e Autonomie
te ocasion dai 20 agns de Leç Regionâl 15 dal 1996.
La Taule taronde e je organizade cul jutori de Regjon FVJ e de ARLeF. 
A saran presints l'Assessôr regjonâl Gianni Torrenti; il za President de Regjon FVJ, Sergio Cecotti; il za President dal Osservatori regjonâl de Lenghe e de Culture Furlanis, Giovanni Frau; il President de Agjenzie Regionâl pe Lenghe Furlane, Lorenzo Fabbro
e Michele Gazzola de Universitât di Humboldt, Berlin.

Apontament li dal Antîc Teatri Sociâl "G. C. Arrigoni" in Place dal Popul,
aes cinc e mieze sot sere.

“diversitât linguistiche
& dirits linguistics”

vinars ai 25 di Març aes cinc sot sere
la presentazion DE PUBLICAZION SOSTIGNUDE
DAL CONSEI REGJONÂL E DE ARLEF

 “99 Domandis - Diversitât linguistiche & dirits linguistics” al è un strument divulgatîf e didatic bilengâl - furlan e talian - che al conte ce che e je la diversitât linguistiche e parcè che al vâl la pene di difindile.
Realizât par cure di Giovanni Agresti de Associazion Lem-Italia te version taliane/francese, al è un impuartant strument di informazion e di cognossince che al dopre il plasê dal zûc par slargjâ la capacitât
di imparâ e di tignî iniment i concets.
Cun cheste gnove scjate/zûc di 99 cjartis/domandis e ancjetantis rispuestis, la ARLeF e colabore pe seconde volte cu
la Cooperativa Futura di San Vît dal Tiliment dopo il sucès di
"99peraulis Fevelâ cul mont_Talking to the world".

 Sostignude dal Consei Regjonâl dal Friûl - Vignesie Julie e de ARLeF,
la publicazion e sarà presentade Vinars ai 25 di Març aes 5 sore sere,
li de Sale Pasolini, in te sede de Regjon FVJ, in vie Sabbadini 31 a Udin.

Fracant chi o podês lei il program complet

“suns europe”
 su rai3 UN SPECIâl
cui protagoniscj
dal Festival

Domenie ai 27 di Març, aes 9.45

No stait a pierdi il speciâl in onde la Domenie di Pasche su Rai3, dedicât a Suns Europe, il Festival european di musiche, cine e leterature in lenghe minoritarie. Al conte lis emozions e lis storiis dai protagoniscj di dute Europe che si son cjatâts a Udin ae fin dal 2015
par cheste bielissime esperience.

In onde aes 9.45.