Preseadis e Preseâts

Al è cun plasê che Us segnalìn lis iniziativis

“voci dalla tendopoli”

  A RiVIS DARCJAN e A San DENÊL, in senE
lA ESPERIENCE DAL TARAMOT CONTADE
CUI VOI DAI FANTATS DAL '76.

“Voci dalla Tendopoli” al è il gnûf progjet teatrâl in lenghe furlane
de Associazion Culturâl Servi di Scena di San Denêl,
nassût te suaze de Scuele furlane di scriture teatrâl di MATEÂRIUM.
Il spetacul al è realizât cul contribût de Comunitât Culinâr dal Friûl,
de Fondazione Crup e in colaborazion cui Comuns di Forgjarie,
Rivis Darcjan e San Denêl.  

Dedicât al 40m aniversari dal Taramot in Friûl, al è ambientât intune des tendopolis che tal Istât dal 1976 e deve acet aes fameis dai taramotâts
e al à tant che protagonist un grup di fantats dai 13 ai 17 agns.

Il spetacul al è presentât in dôs replichis, aes 19.00 e aes 21.00,
a Rivis Darcjan ai 28 di Avost li dal Fuart Col Roncone
e a San Denêl ai 11 di Setembar li dal Parc dal Cjistiel.

Jentrade a gratis. Spetacul cun puescj limitâts.
E je conseade la prenotazion,
clamant il numar 347 5506389
o scrivint a: teatro.servidiscena@gmail.com



Fracant chi o podês savê di plui

“Franco Marchetta:
il friulano come lingua europea, il friuli come laboratorio italiano”

a vile manin di passarian,
musiche, leturis e testemoneancis,
de sô produzion leterarie e artistiche

Dal amôr pal Friûl ae leterature postmoderne di “Contis dal mont di U-”,
la storie di un grant autôr teatrâl e critic furlan contade midiant
de leture di tocs sielts dal so ultin libri, di intervents critics
e di testemoneancis di amîs.

L'event al è organizât dal Caffè Lettarario Codroipese cu la colaborazion
di FORUM Editrice Universitaria Udinese tant che moment
di aprofondiment des oparis e de personalitât artistiche
complesse di Franco Marchetta.

L'apontament al è alì dal Ristorant Nuovo Doge
di Vile Manin di Passarian (Udin), al prin plan, aes 20.45.
Jentrade libare.



Fracant chi o podês savê di plui

“LA arlef
a friuli doc 2016”

apontament dai 8 ai 11 di setembar

In graciis de rinovade colaborazion cul Comun di Udin,
ancje chest an Friuli Doc al fevele furlan.

La ARLeF - che e à curât lis traduzions in lenghe furlane de app e
dal sît de 22e edizion – e sarà presinte sot de Loze dal Lionel
cuntun so stand dulà che a saran dâts fûr materiâi informatîfs,
gadget e materiâi ludics e didatics pai fruts .

Vignît a cjatânus!

Fracant chi o podês lei il program