Preseadis e Preseâts

Al è cun plasê che Us segnalìn lis iniziativis

“missus”

a suns europe,
il gnûf film di massimo garlatti-costa
finanziât de ARLeF

vinars il prin di dicembar,
teatri gnûf "giovanni da udine"

Poesie, profonditât, fuarce, musiche, lenghe e identitât:
a son chescj i ingredients principâi di “Missus”,
il docu-film di Massimo Garlatti-Costa
che al conte la storie dai ultins predis di “Glesie Furlane”.

A 43 agns de domande di celebrâ la messe in lenghe furlane
- ancjemò cence rispueste - Missus al conte la lôr bataie cuotidiane
par mantignî vive la proprie ereditât culturâl
e par afermâ la lenghe tant che espression de identitât
dal popul furlan e veicul di libertât.

Missus - che al è stât realizât ancje cui sottitui par
talian e par inglês par jessi distribuît in dut il mont
e al è stât iscrit a cuasi 20 concors internazionâi -
al è stât finanziât in maniere impuartante de
Agjenzie Regjonâl pe Lenghe Furlane e al è sostignût
ancje dal Font regjonâl pal audiovisîf dal F-VJ.

La ARLeF e à il plasê di invidâus ae proiezion
che si fasarà vinars il prin di Dicembar aes 21.00,
li dal Teatri Gnûf "Giovanni da Udine”, intal ambit di
SUNS EUROPE 2017, il festival des arts in lenghe minoritarie.

La jentrade a teatri e je libare e fin che e sarà disponibilitât
di puescj, e nol covente ritirâ il biliet par jentrâ in sale.



Fracant chi o podês savê di plui