Preseadis e Preseâts

Al è cun plasê che Us segnalìn lis iniziativis

“ESPERIENCIS E PROGJETS PAR UNE SCUELE PLURILENGÂL”

LI DAL LICEU MARINELLI A UDIN
UN SEMINARI DI FORMAZION E UN OPEN WORKSHOP.
LUNIS AI 19 DI FEVRÂR E JOIBE AI 22 DI FEVRÂR

In ocasion de Zornade Internazionâl de Lenghe Mari promovude ogni an de UNESCO (ai 21 di Fevrâr), il Liceu Marinelli al organize pai insegnants de scuele secondarie, cu la colaborazion de rêt La Lavagne Plurilengâl,
doi incuintris di formazion e di scambi di esperiencis inte suaze de promozion dal plurilinguisim.

Chescj a son i apontaments:

Lunis ai 19 di Fevrâr dal 2018 des 15.00 aes 19.00
(Aule Pasolini li dal Liceu Marinelli),
SEMINARI DI FORMAZION SU LIS PROSPETIVIS
DE ISTRUZION PLURILENGÂL,
par cure dai relatôrs Fabiana Fusco de Universitât dal Friûl, Carli Pup di Radio Onde Furlane e Patrizia Pavatti dal Convit Paolo Diacono di Cividât.

Joibe ai 22 di Fevrâr dal 2018 des 8.00 aes 13.00
(Aule Pasolini/Aule PON2 li dal Liceu Marinelli), WORKSHOP là che a vignaran presentadis dai docents dal liceu, cul coinvolziment diret dai students, une schirie di ativitâts didatichis di caratar sperimentâl.
A intervignaran tant che relatôrs Giovanni Nimis, Patrizia Miotti, Cristina Rotter, Maria Laura Aversa, Matteo Fogale e Roberto Feruglio.

La domande di iscrizion – là che si à di specificâ se si vûl partecipâ
a ducj i doi i events o dome a un – e va mandade a: roberto.feruglio@liceomarinelli.it 

A ducj i partecipants ur vignarà dât un atestât di partecipazion.

Par cognossi il program tal detai dai incuintris: