Preseadis e Preseâts

Al è cun plasê che Us segnalìn lis iniziativis

"udin capitâl des
politichis linguistichis europeanis"

il prin incuintri de summer university dal npld
si fasarà ai 13 e ai 14 di setembar

Ai 13 e ai 14 di Stembar, la sinergjie jenfri ARLeF
e il Network to Promote Linguistic Diversity e puartarà in citât il prin incuintri dal NPLD - Coppieters Campus.

La iniziative e à vût il patrocini e il finanziament de
Coppieters Foundation, specializade in federalisim e politichis linguistichis, e e viodarà la partecipazion
di rapresentants dal Consei de Europe e di impuartants docents
e esperts a nivel mondiâl su lis politichis linguistichis.

Graciis ae colaborazion cu la Universitât dal Friûl
e cul CIRF - Centri interdipartimentâl pal svilup de lenghe e de culture dal Friûl, i incuintris si davuelzaran inte sede de Scuele Superiôr.

Jessint un Cors di formazion, l'apontament al sarà viert
dome ai membris dal NPLD.

Par savênt di plui

"lenghe doc dal Friûl"

La arlef a friuli doc 2018

Dai 13 ai 16 di Setembar, la ARLeF us spiete tal spazi
"Lenghe doc dal Friûl", dedicât ae promozion, ae informazion
e ae distribuzion di materiâl par furlan,
che si cjatarà sul imprin de coletive ERSA,
in vie Marcjâtvieri, a doi pas de Loze dal Lionel.

Cun di plui, la ARLeF e fâs fieste pai plui piçui:
sabide ai 15 di Setembar, la Agjenzie,
in colaborazion cu la Sezion Futs de Biblioteche Civiche "V. Joppi" e cul ERSA, e à organizât un dopomisdì dut dedicât ai futs.

Si scomence aes 14.30 - li de Sezion Fruts, in Riva Bartolini, 3 -
cun "Contis e zûcs par fruts Doc", une fieste de editorie
par fruts in lenghe furlane; des 17.00 - inte Aree par fruts dal ERSA,
in vie Marcjâtvieri - si larà indevant cun
"Mastercogo pai fruts di Maman!",

A ducj e doi i incuintri e sarà presinte Daria Miani,
presentadore de trasmission "Maman!".

Par savênt di plui
lei online