Preseadis e Preseâts

Al è cun plasê che Us segnalìn la iniziative

"un amì par falù"

une esperience creative dute in lenghe furlane
pai fruts e pes lôr fameis

"Un amì par Falù / Un amico per Falù" al è un progjet
ideât dal Teatro della Sete
e finanziât de ARLeF - Agjenzie Regjonâl pe Lenghe Furlane.

La iniziative e tache cuntun laboratori ludic e creatîf là che i fruts
dai cinc agns insù e lis lôr fameis a realizin insiemi un pipin,
che al à ancje la sô cjarte di identitât scrite par furlan.

Cualchi zornade dopo dal laboratori, al ven metût in sene
il spetacul teatrâl "Falù" dulà che, ae fin, i fruts a son invidâts
sul palc tant che i vêrs protagoniscj de storie.

Il progjet al previôt ancje la campagne social "Cjate un amì par Falù":
i pipins che a varan plui vôts su Instagram
a deventaran i gnûfs amîs di Falù.

Di vuê, joibe ai 25 di Otubar, al tache il viaç di Falù e dai siei amîs
intai Comuns dal Friûl.

Par cognossi plui detais sul progjet
e lis datis dai laboratoris e dai spetacui

lei online