4. +Sklet/XtremeTV

Kitesurf di mâr inte Isule di Martignan (Isule des Capis)

Regjie di Giorgio Cantoni
Une produzion di Informazione Friulana soc. coop.
Cul finanziament di ARLeF Agjenzie Regjonâl pe Lenghe Furlane
Dvx 20 minûts – 5 pontadis

La serie televisive +Sklet/XtremeTV e propon un viaç inmagant tra lis dissiplinis sportivis plui origjinâls che si pratichin in Friûl.
Lis escursions inte varietât dai ambients naturâi che a caraterizin il teritori, a puartin i spetatôrs a discuvierzi cinc ativitâts sportivis diferentis, e cun chês si va indentri a plen tal ambient naturâl dulintor e si esplorin lûcs che se no a saressin cuasi inacessibii.
Tra lis particolaritâts dai sports protagoniscj de serie, la “spetacolaritât” e il plen rispiet pal teritori a son i elements che a vegnin fûr des intervistis fatis ai sportîfs e de sperimentazion direte des dissiplinis di bande dai stes presentadôrs dal program.
In ogni pontade, il viaç dentri di un microcosmi fat di personis, lûcs e ativitâts si siere cu la discuvierte di contescj particolârs di ospitalitât turistiche, sedi di un pont di viste culturâl, che di ambient e di teritori.
La trasmission e je caraterizade di un lengaç televisîf svelt e moderni e e je condusude in lenghe furlane.

Kitesurf di mâr inte Isule di Martignan (Isule des Capis)
Une pontade dedicade a aghe, aiar e savalon. La isule di Martignan, miôr cognossude tant che “Isule des capis” si le cjate devant de penisule di Lignan, lontane pôc di plui di cent metris. Un blec di tiere naturâl e incontaminât, caraterizât di savalon dorât e di aghe nete, là che l’aiar che al sofle e che lu imbrace lu fâs deventâ lûc ideâl par praticâ il Kitesurf: un sport di aghe che al consist intal fâsi tirâ di un acuilon che al dopre l’aiar tant che propulsôr, parsore di une taule di surf. Stefano Galasso e Claudio Marose de Associazion Neka, North East Kitesurf Association, a spieghin dutis lis particolaritâts di chest lûc salvadi e di cheste pratiche sportive.
 
Diretôr di produzion: Paolo Cantarutti
Coordenadore de edizion: Federica Vincenti
A presentin: Francesca Battistutta e Cristian Pressacco

Ta cheste pontade:
Stefano Galasso (www.islandsurf.it)
Claudio Marose
 
Trasmetude da RAI 3 Regjonâl intal 2015 e intal 2016.