Su la fonde di un fat sucedût pardabon, chest librut al conte de amicizie di une frute che e à non Adele cul so cjanut Dingo.
La storie e scomence tal paisut di Dalès cuant che Dingo, che al è ancjemò piçul, lant a torzeon cuntun altri cjan plui grant, al scuvierç il puest dulà che al vîf. Cu la sô paroncine si cjate une vore ben: a buinore i leche la muse par sveâle, e cuant che a van ator pai parcs o cuant che a zuin, al sta simpri dongje di jê. Ma une dì ur sucêt alc di inspietât … Adele e impararà a scombati e a no tirâsi indaûr tes dificoltâts.
Une storiute semplice, dongje de esperience di tancj fruts.
Il libri al è acompagnât di schedis cun propuestis didatichis utilis pai insegnants. Par discjamâlis, cliche culì.
Detais
2019© Aviani & Aviani editori
Libri, pp. 24
Tescj: Gianna Nobile
Ilustrazions: Elena Chiandussi
Impagjinazion e adatament grafic: Francesca Carnevale
Stampe: Arti Grafiche Fulvio, Udin
Consulence linguistiche: ARLeF – Agjenzie Regjonâl pe Lenghe Furlane
