Traduzion e consulence linguistiche pai ents publics

Il Sportel Linguistic Regjonâl pe Lenghe Furlane al ufrìs servizis di traduzion scrite dal talian al furlan e di consulence linguistiche a pro de Regjon, dai ents regjonâi, dai ents locâi, dai ents strumentâi, des aziendis sanitariis e dai concessionaris di servizis publics. Cun di plui, il Sportel al fâs une ativitât di supuart e di consulence, a pro dai stes ents, te realizazion des ativitâts di politiche linguistiche daûr dal Plan Gjenerâl di Politiche Linguistiche, cemût che al è specificât tal articul 25 de L.R. 29/2007.

Par garantî un servizi capilâr su dut il teritori furlanofon, il Sportel Linguistic Regjonâl al è articolât intun ufici centrâl, cun sede a Udin, e in cuatri sedis periferichis a Tumieç (UD), pal Friûl de Alte; a Aquilee (UD) pe Basse Furlane; a Gurize, pal Friûl Orientâl; a San Vît dal Tiliment (PN), pal Friûl Ocidentâl.

Il progjet dal Sportel al è finanziât de Regjon F-VJ cui fonts de Leç 482/1999 de Presidence dal Consei dai Ministris (Dipartiment pai Afârs regjonâi), e rimetût ae ARLeF tant che organisim competent pe sô gjestion.

Par savê a cuâl Sportel indreçâsi, clicâ achì:

• Sportel Linguistic Regjonâl pe Lenghe Furlane – Sede centrâl
• Sportel Linguistic Regjonâl pe Lenghe Furlane – Friûl de Alte
• Sportel Linguistic Regjonâl pe Lenghe Furlane – Basse Furlane
• Sportel Linguistic Regjonâl pe Lenghe Furlane – Friûl Ocidentâl
• Sportel Linguistic Regjonâl pe Lenghe Furlane – Friûl Orientâl

Torne indaûr ai servizis di traduzion e consulence linguistiche

---