Al torne ancje par chest an scolastic 2023/2024 l’apontament cul Premi speciâl ARLeF pai elaborâts in lenghe furlane plui biei, che lis scuelis a podaran presentâ te suaze dal concors Città Fiera premia la tua Classe.
In cheste gnove edizion dal premi, lis classis a podaran impiâ la lôr fantasie in lenghe furlane zuiant cun sbilfs, aganis e tapêts magjics.
La inizitive si indrece a dutis lis classis des scuelis de infanzie e des scuelis primariis dal teritori furlanofon e si divît in dôs categoriis:
- Categorie Dissen – pes scuelis de Infanzie e pes classis I e II de scuele Primarie
Realizazion di un dissen ispirât al teme “Il mont des aganis e dai sbilfs”
Si à di doprâ la lenghe furlane, daûr de grafie uficiâl, e si invide a doprâ materiâi e tecnichis diferentis par realizâ i dissens. Si premiaran la creativitât, la inventive e l’aspiet linguistic dai elaborâts.
- Categorie Test – pes classis III IV e V de scuele Primarie
Produzion di un test in lenghe furlane sul teme “Cul tapêt magjic o pues visitâ”
Si premiaran la creativitât, la inventive e lis competencis linguistichis (scriture daûr de grafie uficiâl de lenghe furlane).
I elaborâts si varan di consegnâ ai uficis di Città Fiera dentri dai 31 di Zenâr dal 2024
La ARLeF e premiarà la miôr produzion di ogni categorie cuntun bon di € 250,00 par comprâ materiâi e imprescj utii ae didatiche.
Consulte i materiâi
| Ogjet | Cjale |
| Ocjo al regolament! |
|
