Patrocini

Il patrocini de ARLeF al è une atestazion di poie morâl de Agjenzie aes iniziativis calcoladis meritevulis pes lôr finalitâts leadis ae lenghe e ae culture furlanis o a altris lenghis e culturis minoritariis.
Par iniziativis si intindin lis ativitâts inmaneadis di associazions, comitâts e fondazions cence fin di vuadagn e altris organisims no profit, ents e aziendis publichis, tant che un event, une cunvigne, une mostre, une publicazion, un concors. Il patrocini al ven dât simpri e dome cun riferiment ae iniziative o ae opare specifiche che al è stât domandât e dome pal timp riferît ae iniziative e ae durade de opare.
La ARLeF e da il so patrocini, daûr disposizion dal President, dome a titul gratuit, vâl a dî cence concedi contribûts o vantaçs economics.

Il Regolament che al dissipline i criteris e lis modalitâts pe concession dal patrocini morâl de ARLeF e la autorizazion a doprâ il logo, e ancje il modul pe domande di concession, si puedin discjamâ ca sot.

---