ARLeF e scrîf a Ursula Von der Leyen par domandâ plui tutele pes lenghis minoritariis
La Comission europeane e à tornât al mitent lis domandis fatis dal Minority SafePack, su iniziative di passe un milion di citadins de UE. La aprovazion dal Minority SafePack, promovude de FUEN, e varès sburtât inmò di plui la tutele des lenghis minoritariis.
A son une vore lis assembleis regjonâls che in Europe a son daûr a protestâ pe decision cjapade de Comission, e l’ARLeF – Agjenzie Regjonâl per Lenghe Furlane, e à decidût di protestâ in vie uficiâl ae presidente Ursula Von der Leyen. Ancje il NPLD – o ben la Rêt europeane des minorancis linguistichis, che la nestre Regjon e je un so membri – e à cjapade posizion a difese dai dirits des lenghis minoritariis, invidant la Comission a modificâ la sô decision e a aplicâ ce che e dîs la Cjarte dai dirits fondamentâi, che e previôt l’oblic di rispietâ e promovi i dirits des comunitâts linguistichis minoritariis.
Cheste assence à fat movi il Parlament european, che ai 17 di Otubar stâts al veve adotât, cun 524 vôts a pro, cheste risoluzion su iniziative dai citadins europeans, ma ancje il Consei regjonâl dal Friûl-Vignesie Julie, in graciis di une mozion sostignude sedi di membris de maiorance che de oposizion e presentade ae Zonte regjonâl.
A son une vore lis assembleis regjonâls che in Europe a son daûr a protestâ pe decision cjapade de Comission, e ancje ARLeF e NPLD – o ben la Rêt europeane des minorancis linguistichis, che la nestre Regjon e je un so membri – e àn cjapade posizion a difese dai dirits des lenghis minoritariis, invidant la Comission a modificâ la sô decision e a aplicâ ce che e dîs la Cjarte dai dirits fondamentâi, che e previôt l’oblic di rispietâ e promovi i dirits des comunitâts linguistichis minoritariis.
«Cheste posizion de Union europeane e fâs pardabon un dam ae vite democratiche de Europe e sul cont de fiducie des comunitâts minoritariis intes istituzions» al à marcât Eros Cisilino, president de ARLeF. «O sperìn che la Comission e mendi chest erôr e che ur dedi aes minorancis linguistichis la atenzion che a meretin.»
