Ativitâts
Segnaletiche stradâl: consulence su la toponomastiche in lenghe furlane
La ARLeF e vûl supuartâ i sogjets responsabii de instalazion de segnaletiche stradâl e il lôr personâl, riclamant i oblics principâi di leç par garantî la coretece des indicazions stradâls.
Il servizi, gratuit, al è indreçât a: Ents locâi, FVG Strade, Autovie Venete, Direzions centrâls e Servizis de Regjon Autonome Friûl – Vignesie Julie, ents regjonâi e, in gjenerâl, a ducj i sogjets publics o privâts che a vedin bisugne di instalâ la segnaletiche stradâl in lenghe furlane.
Il supuart de ARLeF
Su la fonde de L.R. 13/2000, la instalazion de segnaletiche stradâl par furlan e je sometude al parê preventîf e vincolant de ARLeF – Agjenzie Regjonâl pe Lenghe Furlane. La ARLeF e furnìs la sô consulence par che al sedi garantît il plen rispiet de grafie uficiâl de lenghe furlane e de forme corete dai toponims.
Domandis e rispuestis
-
1Ce previodie la legjislazion in vore su la segnaletiche stradâl intai comuns di lenghe furlane?
-
2Cemût fasio a savê cuâi che a son i Comuns delimitâts intal ambit linguistic furlan?
-
3Cemût fasio a savê cuale che e je la forme corete dai toponims o des scritis in lenghe furlane di meti su la segnaletiche stradâl?
-
4Il bilinguisim visîf isal previodût dome pe segnaletiche stradâl?
-
5Di là dai oblics di leç, parcè ise impuartante la presince de lenghe furlane ancje su la segnaletiche stradâl e sui supuarts visîfs in gjenerâl?
Cemût presentâ la domande a la ARLeF
-
1furnî il materiâl di tradusi/revisionâ in formât Word o intun altri formât modificabil;
-
2segnalâ il nominatîf di un referent, cun recapit e-mail e telefonic
-
3Inviâ la domande a toponomastiche@sportelfurlan.eu
- Par ogni dibisugne o par sclariments, contatâ:
Sportel Regjonâl pe Lenghe Furlane
Numar dedicât: Tel. 371 4143422
Centralin: Tel. 0432 1743400
e-mail: toponomastiche@sportelfurlan.eu
Il servizi al è coordenât dal Sportel Linguistic Regjonâl pe Lenghe Furlane e finanziât de Regjon F-VJ cui fonts de Leç 482/1999 de Presidence dal Consei dai Ministris (Dipartiment pai Afârs regjonâi).
Note ben:
- aes domandis no masse complessis si rispuindarà tal ordin cronologjic che a son rivadis, dentri di 7 dîs di vore de date di ricezion;
- se la domande e à bisugne di aprofondiments toponomastics particolârs, al podarà coventâ plui timp pe rispueste (dentri di 30 dîs al massim de date di ricezion);
- une volte impagjinât, il materiâl al varà di jessi inviât di gnûf in PDF ae stesse direzion e-mail dedicade, pal control finâl;
- la ARLeF e inviarà, midiant de Pec, il so parê dentri di 2 dîs di vore de date di ricezion.
Esemplis di segnaletiche corete
