E va indevant la ativitât de ARLeF pe certificazion linguistiche pal furlan.
La Agjenzie e à publicât un bant, dome par titui, pe partecipazion al cors-concors che al permet di cjatâ fûr i certificadôrs des comissions di esam par assegnâ i nivei di cognossince de lenghe furlane, in atuazion dal Cuadri comun european su lis lenghis.
Al pues fâ domande cui che al à plui di 18 agns e une cognossince otime de lenghe furlane fevelade e scrite, presentant la candidature dentri dai 9 di Jugn dal 2022 ae direzion PEC arlef@certgov.fvg.it.
La Comission esaminadore e selezionarà i candidâts valutant il lôr curriculum vitae e e formarà une graduatorie di merit, daûr dai ponts assegnâts. A saran ametûts i prins vincj candidâts in graduatorie, che a podaran partecipâ al cors e, dopo di un esam specific, otignî la certificazion di competence de lenghe furlane corispondente al nivel C2.
I partecipants al cors che a varan otignût la certificazion di competence de lenghe furlane di nivel C2 a saran sielzûts de ARLeF pe costituzion des comissions di esam pe certificazion.
Achì sot, la documentazion complete:
Par informazions su la selezion, i concorints a puedin indreçâsi a chescj recapits:
tel.: 0432.555812 – pueste eletroniche: arlef@regione.fvg.it
