Premi Speciâl de ARLeF “Un viaç intal spazi insiemi a la mê besteute preferide”
Lunis ai 20 di Setembar, li dal Città Fiera di Martignà, si son tignudis lis premiazions dal concors Città Fiera premia la tua classe, rivât ae 7e edizion.
Ancje chest an la ARLeF e partecipe al concors cuntun Premi Speciâl, a teme spazi, dal titul “Un viaç intal spazi insiemi a la mê besteute preferide”. Dutis lis scuelis de infanzie e primariis aderentis ae iniziative, a àn vût in regâl un dvd cun cartons animâts o une publicazion in lenghe furlane.
Lis dôs scuelis vincidoris di chest an a son:
Sezion C
Scuele de infanzie di Passons
Motivazion: “I tancj materiâi e lis tecnichis dopradis a son une vore particolârs e origjinâi, cun atenzion pal detai. Il lavôr al mostre ben i concets di spazi e di viaç graciis ae simpatiche pensade di un percors magnetic che al unìs ducj i dissens”.
Classe 3e
Scuele primarie “J. Tomadini” di Rualis di Cividât
Motivazion: “e trasmet serenitât e une disposizion positive pal viaç e pe scuvierte. Ancje se curt, il test si disvilupe in maniere corete e al mostre une anime legre e une ande curiose bande chei altris”.
Cun di plui, dôs a son lis menzions speciâls assegnadis de ARLeF a chescj istitûts:
Sezion D
Scuele de infanzie di Passons
Motivazion: “al met adun i dissens fats dai scuelârs doprant tecnichis diferentis, che a mostrin la atenzion e la cure pal propri compagn di viaç.”
Scuele primarie di Bertiûl
Motivazione: “al propon il viaç intal spazi tant che une mission par salvâ i animâi dai pericui che a puedin cjatâ su la Tiere, come intune sorte di gnove arcje di Noè tecnologjiche”
