Edizion XVIII dal concors pes scuelis pe realizazion di un elaborât in lenghe furlane.
La Associazion culturâl musicâl “Percoto Canta”, cul patrocini de ARLeF – Agjenzie Regjonâl pe Lenghe Furlane, Societât Filologjiche Furlane, Comun di Pavie, Regjon Autonome Friûl-Vignesie Julie e Ufici Scolastic Regjonâl dal F-VJ, e bandìs il XVIII bant di concors pe realizazion di un elaborât in lenghe furlane, indreçât ai arlêfs che a son daûr a frecuentâ l’an scolastic 2020/2021 tes scuelis primariis e secondariis di prin grât.
I elaborâts, che a puedin sei sedi di forme scrite (poesiis, temis, contis, riflessions personâls, etc…) o multimediâl, a laran svilupâts su doi temis specifics:
- 2021: An internazionâl pe eliminazion dal lavôr minorîl
- 2021: An internazionâl des pomis e de verdure
Par partecipâ al concors, si àn di mandâ: la preiscrizion dentri di sabide ai 3 di Avrîl dal 2021, e i elaborâts definitîfs dentri di sabide ai 22 di Mai dal 2021.
I trê elaborâts miôr a vignaran premiâts cuntune borse di studi e une selezion di libris, e i nons dai vincidôrs a vignaran publicâts sul sît de Associazion vinars ai 4 di Jugn dal 2021.
Dutis lis informazions si puedin cjatâ tal Regolament complet che si pues discjamâ achì sot, o tal sît www.percotocanta.it.
Consulte i materiâi
| Ogjet | Cjale |
| Regolament complet XVIII Bant di Concors Percoto Canta |
|
