Ve ca la seconde iniziative nassude inte suaze de colaborazion tra Agjenzie Regjonâl pe Lenghe Furlane, Protezion Civîl e Direzion Centrâl Salût de Regjon F-VJ par dâ informazions e racomandazions in lenghe furlane par protezisi dal Coronavirus.
Si trate di un sfuei informatîf sul Coronavirus che al spieghe cemût limitâ la infezion, realizât de Direzion Centrâl Salût in colaborazion cu la ARLeF.
Stampât in 10.000 copiis de Regjon, al è in distribuzion propit in chescj dîs tai ponts informatîfs, e a disposizion di ducj i utents, tai presidis e tes struturis ospedalieris des aziendis sanitariis dal teritori furlanofon.
A bastin pocjis regulis par evitâ il slargjâsi de infezion, metìnlis in vore ducj insiemi.
