Il cors, par cure di Fabiana Fusco e Gabriele Zanello, al vûl presentâ lis cognossincis teorichis fondamentâls su lis fondis neuropsicologjichis de leture-scriture e delineâ lis specificitâts dal aprendiment intai ambients plurilengâi e pai fruts cun disturps dal svilup. A vignaran dâts esemplis pratics di materiâi dedicâts ae leture-scriture di lenghis minoritariis, in particolâr pal furlan.
La iniziative e je inmaneade de Universitât dal Friûl e finanziade de Regjon Friûl-Vignesie Julie, in colaborazion cu la ARLeF e cul Centri Regjonâl di documentazion, ricercje e sperimentazion didatiche pe scuele furlane (Docuscuele) e cul patrocini dal Ufici Scolastic Regjonâl.
I incuintris si davuelzaran te Aule 3 dal Pôl di Formazion de Universitât dal Friûl, in vie Margreth 3A a Udin:
vinars ai 4 di Novembar dal 2022, des 15.00 aes 18.00
miercus ai 16 di Novembar dal 2022, des 15.00 aes 18.00
miercus ai 23 di Novembar dal 2022, des 15.00 aes 18.00
vinars ai 25 di Novembar dal 2022, des 15.00 aes 18.00
lunis ai 28 di Novembar dal 2022, des 15.00 aes 18.00
martars ai 6 di Dicembar dal 2022, des 15.00 aes 18.00
La iscrizion e va fate dentri di joibe ai 3 di Novembar te pagjine: https://uniud.esse3.cineca.it/Home.do
La partecipazion al cors e je gratuite. A chei che a partecipin almancul ai doi tierçs des oris di lezion ur vignarà dât un atestât.
Ducj i detais a chest leam: https://www.uniud.it/it/inseg_friulano1
Consulte i materiâi
| Ogjet | Cjale |
| Locandine |
|
