La ARLeF – Agjenzie Regjonâl pe Lenghe Furlane – in acuardi cu la Regjon e cul Comun di Udin, e à decidût di rimandâ in maniere definitive al 2021 la manifestazion de Fieste de Patrie dal Friûl programade a Udin in Avrîl e dopo rimandade ai 7 di Jugn par vie de emergjence sanitarie.
Di fat, in cheste zornade, il Salon dal Parlament dal Cjstiel di Udin al veve di ospitâ la celebrazion plui impuartante ma no son ancjemò lis cundizions di sigurece par podê inmaneâ cun trancuilitât l’event principâl e lis tantis iniziativis culturâls programadis te capitâl furlane pe ricorence.
In ogni câs, la Agjenzie e il Comun a previodin di organizâ un moment memoreatîf dedicât ae Patrie dal Friûl intal periodi estîf. I Comuns furlans che a vevin programât manifestazions colaterâls ae Fieste a podaran organizâlis dentri de fin dal an.
