Bant ARLeF pai Ents locâi cun scjadince ai 8 di Març
La ARLeF – Agjenzie Regjonâl pe Lenghe Furlane, e sostignarà, cun 25 mil euros in totâl, i ents locâi dal Friûl e dal Venit che a vuelin realizâ events culturâi, in colaborazion cu lis pro loco e altris sogjets publics o privâts
cence fins di vuadagn o cun finalitâts mutualistichis, par celebrâ i 3 di Avrîl, ricorence de nassite dal Stât patriarcjâl furlan intal 1077.
Di fat, pe prime volte ancje i Comuns furlanofons dal Venit a podaran acedi ai contribûts destinâts al inovâl de Fieste de Patrie dal Friûl, o ben Cint, Concuardie, Fossalte, Gruâr, Puart, San Michêl dal Tiliment e Tei, in graciis di un acuardi tra lis Regjons F-VJ e Venit dai 17 di Setembar stât.
Lis domandis a varan di rivâ dentri dai 8 di Març dal 2021, dome midiant di PEC ae direzion arlef@certgov.fvg.it.
Achì si pues acedi a dute la documentazion dal Bant.
Par plui informazion, si pues telefonâ al 0432 555910, o scrivi a: federica.delpino@regione.fvg.it.
