BANT DI CONCORS 2019-2020 XXIV EDIZION
Il Comun di Glemone, cul patrocini de ARLeF – Agjenzie regjonâl pe lenghe Furlane, al bandìs la XXIV edizion dal concors intitulât ae memorie di pre Pieri Londar (Pietro Londero), par assegnâ il premi leterari in lenghe furlane “Glemone îr, vuei e doman”.
Il concors si compon di trê sezions:
- Te prime sezion, vierte a ducj, si concor cuntun lavôr di narative par fruts di no plui di undis agns, ancje ilustrât, che al à di jessi ambientât tai lûcs, monuments, o edificis a sielte, baste che a sedin di Glemone.
- Te seconde sezion si concor cuntun lavôr a teme libar, fat di singui o di grups, che al tocji la didatiche dal insegnament in lenghe furlane tes scuelis de infanzie, primariis o secondariis di prin grât; si pues considerâ ancje une esperience za davuelte.
- Ae tierce sezion si concor cuntun lavôr di grup davuelt dai fruts des scuelis de infanzie, primariis o secondariis di prin grât, cul jutori di un insegnant, che al à di jessi une rivisitazion di “La liende dal cjistiel di Glemone”, si à di ambientâle intal timp dal “îr”, o pûr in chel di “vuê”, o dal “doman” di Glemone.
I scrits a varan di jessi par furlan, te grafie uficiâl.
I lavôrs a varan di jessi mandâts par pueste racomandade A.R., o pûr consegnâts a man – tai oraris che i uficis a son vierts al public – al ufici protocol dal Comun di Glemone, cun segnat par fûr “Concors Glemone îr, vuei e doman”, dentri dai 30 di Jugn dal 2020.
Consulte i materiâi
| Ogjet | Cjale |
| Bant di concors"Glemone îr, vuei e doman" |
|
