Grant Dizionari Bilengâl Talian Furlan

La ricercje e ven davuelte ignorant lis maiusculis e i acents presints sedi te striche di ricercje sedi tai lemis. Se par esempli si cîr par furlan pes, tal risultât a vegnin fûr sedi pes che pês , e i stes lemis a vegnin fûr ancje se si cîr la peraule pês .

Cheste funzion e je presinte sedi pe ricercje di peraulis furlanis (par vignî incuintri aes inciertecis che si pues vê te scriture dal furlan), sedi pe ricercje di peraulis talianis (e je utile massime par ciertis peraulis forestis jentradis tal talian, p.e. débâcle o élite).

La ricercje e torne sedi i lemis monorematics (fats di une singule peraule) sedi chei polirematics (locuzions) che a tegnin dentri la peraule cirude. Par esempli, se si cîr casa jenfri i risultâts si cjataran ancje lis locuzions: ‘a casa mia’, ‘aprire casa’, ‘Casa Bianca’.

Ricercje par bocons

Par cirî un leme o une liste di lemis par bocons, si doprin i metacaratars * e ? :

• * al rapresente une secuence di zero o plui caratars cualsisei (duncje ancje la secuence vueide).
  Par esempli, se si cîr par talian par* a vegnin tornâts ducj i lemis che a scomencin cun par (parte, parto, partita, …);
  se si cîr *pace a vegnin tornâts ducj i lemis che a finissin cun pace (capace, pace, rapace, …);
  se si cîr let*ra a vegnin tornâts ducj i lemis che a tachin cun let e a finissin cun ra (lettera, letteratura, lettura);
• ? al rapresente un singul caratar cualsisei.
  Par esempli, se si cîr par talian per? a vegnin tornâts ducj i lemis che a scomencin cun per seguît di une uniche altre letare (pera, pero, però, Perù);

I metacaratars * e ? a puedin jessi presint sedi in principi de peraule (p.e. a*), sedi da pît (p.e. *a), sedi dentri de peraule (p.e. a*b); a puedin jessi presints plui voltis (p.e. a*b*) e a puedin jessi cumbinâts (p.e. a?b*). Par esempli, si pues cirî la secuence *b?c* che e torne ducj i lemis che a tegnin dentri une b cun daûr une altre letare, seguide po de c (abaco, abboccare, …).