Pronts par passâ un gnûf an cu la lenghe furlane?
Cui 15 di Dicembar – e fin a esauriment des copiis – il lunari de ARLeF pal an che al ven al sarà in distribuzion gratuite.
Ogni mês dal 2022 une perle dute par furlan! I mûts di dî che o vês preseât di plui sui nestris social us compagnaran dut l’an par fâ une biele ridade a ogni pagjine voltade.
Il lunari al è in distribuzion libare:
li dai uficis de ARLeF in vie Prefettura 13, a Udin (achì i oraris) o tes sedis periferichis dal Sportel regjonâl pe lenghe furlane:
– Friûl Ocidentâl (biblioteche di San Vît dal Tiliment): ocident@sportelfurlan.eu
– Friûl Orientâl (sede dal Comun di Gurize): orient@sportelfurlan.eu
– Friûl de Alte (sede dal Comun di Tumieç): alte@sportelfurlan.eu
– Friûl de Basse (sede dal Comun di Muçane): basse@sportelfurlan.eu
Si pues acedi a chescj uficis tal rispiet de normative anti Covid-19.
Se no tu puedis ritirâ il lunari in presince, o vin pensât a un formât digjitâl che tu puedis discjamâ chi sot.
Consulte i materiâi
| Ogjet | Cjale |
| Il lunari 2022 |
|
