Joibe il 1n di Lui dal 2021, la ARLeF e presentarà al festival udinês di vicino/lontano il progjet inedit “Ombris tal infinît“.
Sul palc dal Oratori dal Crist, aes 21.30, il Teatro della Sete si esibirà intune leture seniche in lenghe furlane su la poetiche di Carlo Sgorlon.
Un vêr spetacul dulà che vôs, musichis e dissens si fondaran sul palc in maniere origjinâl par creâ atmosferis e vicendis che a rifletin la concezion dal mont dal innomenât scritôr furlan, ancje in graciis dai contribûts di Franco Fabbro e Marco D’Agostini, che a àn curât il libri “Carlo Sgorlon. Scrittore e intellettuale friulano” (ed. Mimesis, 2020).
“Eve e sintive la aghe sot tiere, e veve la cjaladure losche, e domave lis bestiis par vie che e jere una strie, o une agane, o alc dal gjenar. Ma chei plui usâts a pensâ a rifleterin che “agane” o “strie” no jerin si no peraulis par intindi feminis che la nature ur veve dât alc in plui di chês altris.“
Vôs che a recitin Caterina Di Fant, Michele Polo, Valentina Rivelli
Musichis Giorgio Parisi
Dissens origjinâi Serena Giacchetta
Montaç digjitâl Marco D’Agostini
Studi e dramaturgjie Marco D’Agostini, Caterina Di Fant, Serena Giacchetta, Valentina Rivelli
Traduzion e consulence linguistiche dal Sportel Regjonâl pe Lenghe Furlane de ARLeF
Al introdûs Eros Cisilino
Produzion Teatro della Sete
Progjet finanziât de ARLeF – Agjenzie Regjonâl pe Lenghe Furlane
