La lenghe furlane e je stade selezionade intun video realizât de Comission Europeane par celebrâ la Zornade Europeane des Lenghis, che e cole ai 26 di Setembar.
Il video al è stât metût adun in graciis dai contribûts di tancj zovins di dute Europe, tal ambit de iniziative dal “An european dai zovins”: ce che al salte fûr e je une bugade di positivitât, frescjece e energjie tai valôrs dal multilinguisim, de diversitât culturâl, dal aprendiment plurilengâl, e de fuarce de comunicazion umane midiant dutis lis lenghis, “grandis” o “piçulis” che a sedin.
La Zornade Europeane des Lenghis e je stade istituide tal 2001 dal Consei de Europe, ae fin dal an european des lenghis, par promovi la diversitât linguistiche, il plurilinguisim e la comprension interculturâl.
In dute Europe si fevelin plui di 80 lenghis, tra chestis plui di 60 a son minoritariis.
Cjale il video ca sot e cîr la lenghe furlane.
Buine Zornade Europeane des Lenghis, unîts inte diversitât!
Consulte i materiâi
| Ogjet | Cjale |
| Video Zornade Europeane des Lenghis 2022 |
|
