Sabide ai 13 di Zenâr, aes 16.30, li de sezion “Moderne” de Biblioteche Civiche “Vincenzo Joppi” di Udin (rive Bartolini, 5), in graciis de colaborazion tra ARLeF, Comun di Udin e Cartostampa Chiandetti, al sarà presentât il libri par fruts in lenghe furlane “La storie vere di Jack e Bee”, editât di Chiandetti in colaborazion cu la ARLeF.
La iniziative e previôt la leture animade dal librut e un laboratori creatîf cu la âf Bee par fruts dai 4 ai 9 agns. Ogni partecipant al varà in regâl une copie dal libri.
“La storie vere di Jack e Bee”, scrit e ilustrât di Alessandra Guadagnin, al conte de storie di une amicizie lungje e preziose tra un frut cetant ninin che al à non Jack, e une avute di peluche fûr dal comun che e à non Bee, che si cognossin pe prime volte intune maniere inspietade e che a vivaran tantis aventuris emozionantis insiemi.
Par partecipâ ae iniziative al è ben notâsi dentri di miercus ai 10 di Zenâr, telefonant al 0432 1743400 o mandant une email a info@sportelfurlan.eu
Discjame la locandine dal event ca sot
Consulte i materiâi
| Ogjet | Cjale |
| Locandine La storie vere di Jack e Bee |
|
