Edizion IX dal premi dedicât ae poesie in lenghe furlane e taliane
Il Comun di San Michêl dal Tiliment, in colaborazion cun ARLeF – Agjenzie Regjonâl pe Lenghe Furlane, Societât Filologjiche Furlane, CIRF de Universitât dal Friûl, Centro Studi Pier Paolo Pasolini e Associazion culturâl La Bassa, al organize la novesime edizion dal Premi Leterari Bienâl “Nelso Tracanelli” in lenghe furlane e in lenghe taliane.
Il premi al vûl memoreâ e valorizâ la figure e la opare dal poete, scritôr e studiôs Nelso Tracanelli, e promovi la culture furlane locâl e la produzion leterarie.
Il concors al previôt une sezion di poesie in lenghe furlane e une sezion di poesie in lenghe taliane, dulà che a puedin partecipâ sedi adults che zovins che a vedin finît 15 agns. Al è pussibil partecipâ a dutis dôs lis sezions.
Ducj i materiâi a saràn di inviâ dentri dai 19 di Març dal 2021.
Achì sot, il regolament complet e il modul par notâsi al concors.
Par plui informazions, si pues lâ sul sît www.comunesanmichele.it o scrivi une e-mail a premio@comunesanmichele.it.
Consulte i materiâi
| Ogjet | Cjale |
| Premi leterari "Nelso Tracanelli" 2021 - Regolament e modul par notâsi |
|
