“Alc&Cè” al è un gjornalut par fruts in lenghe furlane, publicât dal setemanâl “La Vite Catoliche” dal 1999 al 2017. Al è indreçât in particolâr ai fruts des scuelis primariis, cul obietîf di svicinâju al furlan e di promovi il so ûs, e al è ancje un bon materiâl scolastic di jutori pai insegnants.
Dal 2015 “Alc&Cè” al è stât realizât cul contribût de ARLeF, in graciis dal bant trienâl 2015-2017 pal sostegn des ativitâts finalizadis a promovi la lenghe furlane intal ambit de editorie.
Il gjornalut si presente cuntune vieste vivarose, colorade e inmagante. Al è siôr di contignûts proponûts in maniere simpatiche. Ogni jessude e à rubrichis fissis, cjantons di aprofondiment e ideis par ativitâts didatichis e laboratoris, un vocabolari par imagjins e un glossari furlan – talian. Po dopo al è un teme speciâl che al cambie in ogni numar. Dut al è insiorât cun fumets colorâts di ilustradôrs professioniscj cognossûts, tant che Andrea Venier, Simone Paoloni e Davide Pascutti.
Detais
Suplement periodic al setemanâl “La Vite Catoliche”
Jessudis: 6 par an
Tiradure: 15.000 copiis par ogni numar
Distribuzion: fameis, parochiis, centris di agregazion, scuelis
Redazion: Roberto Pensa (Diretôr), Erika Adami (Responsabile e coordenadore editoriâl), Sonia Cuzzolin (Progjet grafic e impagjinazion)
Implei ideâl: supuart didatic ae difusion de lenghe furlane, ancje in forme veicolâr
Imagjins
