“Sul troi des contis – videoflabis furlanis”, e je une racuelte di tredis videoflabis ilustradis, che a contin par furlan storiis de tradizion ma ancje ineditis.
La particolaritât dal progjet e je la sô capacitât di cjapâ il spetatôr: par ognidune des storiis, un ilustradôr al met dongje de leture un dissen fat sul moment, par puartâ i fruts intun mont di maravee. Intant, lis flabis a vegnin contadis di dôs “cjanstestoriis” speciâls.
Lis professionalitâts impegnadis inte realizazion des Contis a son tantis, des vôs di Paola Bacchetti e Aida Talliente, che a àn dât vite ae narazion, ae regjie video, realizade di Giorgio Milocco. I dissens che a compagnin lis storiis a son realizâts di ilustradôrs professioniscj (Elisa Codutti e Paolo Cossi) e di students de Academie di Bielis Arts “G. B. Tiepolo” di Udin (Sara Martinuzzo, Chiara Montagner e Alberto Morello, coordenâts dal professôr Carlo Alberto Palumbo).
Une propueste ludiche educative par imparâ il furlan in maniere divertente, che e sarà sigûr in stât di cjapâ la atenzion dai fruts ma ancje dai plui grancj.
O podês viodi lis videoflabis te trasmission “Maman!” in onde su Telefriuli, a tacâ cui 8 di Dicembar, e ancje sul nestri canâl Youtube.
Credits
Di une idee di: William Cisilino
Direzion artistiche e regjie: Marco Maria Tosolini
Contis de tradizion e origjinâls adatadis/scritis di: Stefania Elia
Conte origjinâl “Sino ducj i dodis?”: William Cisilino
Dissens: Elisa Codutti / Paolo Cossi /i arlêf de Academie di Bielis Arts “G. B. Tiepolo” di Udin Sara Martinuzzo, Chiara Montagner e Alberto Morello, cul coordenament dal professôr Carlo Alberto Palumbo
Vôs: Paola Bacchetti e Aida Talliente
Consulence linguistiche: Michele Calligaris – Sportel regjonâl per lenghe furlane de ARLeF
Musichis origjinâls: Marco Maria Tosolini e Vittorio Vella
Regjistrât e mixât di: Vittorio Vella
Videos realizâts di: Quasar Corporate
Produtôr esecutîf: Giorgio Milocco
Diretôr de fotografie: Matteo Scala
Operadôrs di riprese: Jonathan Feruglio e Federico Valente
Assistents di produzion: Beatrice Lanza e Irene Clinz
Montaç: Sara Caruzzi
Color correction e titui: Keir Klassow
Supervision de sigle: Filippo Di Primio
Animazion de sigle: Lorenzo Bertarelli
Ilustrazions de sigle: Elisa Codutti
O ringraciìn: Fausto Deganutti, diretôr de Academie di Bielis Arts “G.B. Tiepolo” di Udin
Consulte i materiâi
| Ogjet | Cjale |
| Cjale ducj i episodis di "Sul troi des contis" |
|
