L’acuilon e l’Arc di Sant Marc
1. Pimpa ®
Une presentazion di ARLeF – Agjenzie Regjonâl pe Lenghe Furlane
Dal fumut innomenât creât di Francesco Tullio Altan e publicât pe prime volte tal 1975 tal Corriere dei Piccoli, ve chi lis aventuris de simpatiche cjiçute blancje a balins ros cu la vôs di frute, insiemi cul so amì Armando e tancj altris personaçs.
In cheste pontade: L’acuilon e l’Arc di Sant Marc (1). Pimpa, cul jutori di Armando, e fâs un acuilon. Intant che i doi a corin tal parc, al rive un nûl, pront par discjamâ la ploie. Ma par fortune l’aiarin ju jude…
Cheste version animade in lenghe furlane e je stade produsude e trasmetude de sede Rai dal Friûl-Vignesie Julie te prime e seconde serie – la prime direzude di Osvaldo Cavandoli (La Linea) e la seconde di Enzo D’Alò (La gabbianella e il gatto) – tal 2002 e 2008. Pimpa®, no je stade voltade dome par inglês, spagnûl, todesc e francês, ma ancje in lenghis minorizadis tant che ladin, furlan e sart. Tal 2013, in graciis de iniziative de ARLeF – Agjenzie Regjonâl pe Lenghe Furlane e de colaborazion cun RAI – Radiotelevision taliane, Quipos srl e Regjon Friûl-Vignesie Julie, a son stâts publicâts tredis episodis de serie fortunade par furlan intal Dvd “Pimpa® par furlan”.
Sigle
Viôt la Pimpa, vele ca
blancje e rosse dute a pois
e l’Armando mostacjon
cul cjapiel e un grant napon.
Co l’Armando al va a polsâ
Pimpa e sgarfe intal armâr
e tu puedis stâ sigûr
che un biel zûc e tire fûr.
…
E cumò ducj a mangjâ
che la Pimpa e à tante fam
se la storie ti à cjapât
a riviodisi e maman!
Senegjature e ideazion: Francesco Tullio Altan
Regjie: Osvaldo Cavandoli
Musichis: Corrado Tringali
Animazion: Studio G.L.M.
Traduzion furlane: Elio Bartolini
Coordenament artistic e direzion pe dopleadure: Claudia Brugnetta cu la consulence di Paolo Patui
Vôs de version furlane: Maria Ariis, Andrea Collavino, Claudia Grimaz, Elvio Scruzzi, Andrea Zuccolo
Mixaç: Federico Comar, Giuliano Pecorari
Postproduzion: Cristian Cociancich, Davide Pavanello
Durade: 5.00 min.
RAI – Sede regjonâl dal F-VJ/ARLeF Agjenzie Regjonâl pe Lenghe Furlane/Regjon F-VJ/Quipos s.r.l.
DVD 58 min. (13 episodis)
2006
