1. +Sklet/XtremeTV

Turisim alternatîf te Val di Aupe

Regjie di Giorgio Cantoni
Une produzion di Informazione Friulana soc. coop.
Cul finanziament di ARLeF Agjenzie Regjonâl pe Lenghe Furlane
Dvx 20 minûts – 5 pontadis

La serie televisive +Sklet/XtremeTV e propon un viaç inmagant tra lis dissiplinis sportivis plui origjinâls che si pratichin in Friûl, e la discuvierte di contescj particolârs di ospitalitât turistiche, sedi di un pont di viste culturâl, che di ambient e di teritori.
Lis escursions inte varietât dai ambients naturâi che a caraterizin il teritori a puartin i spetatôrs a discuvierzi cinc ativitâts sportivis diferentis, e cun chês si va indentri a plen tal ambient naturâl dulintor e si esplorin lûcs che se no a saressin cuasi inacessibii.
Tra lis particolaritâts dai sports protagoniscj de serie, la “spetacolaritât” e il plen rispiet pal teritori a son i elements che a vegnin fûr des intervistis fatis ai sportîfs e de sperimentazion direte des dissiplinis di bande dai stes presentadôrs dal program.
La trasmission e je caraterizade di un lengaç televisîf svelt e moderni e e je condusude in lenghe furlane.

Turisim alternatîf te Val di Aupe
Incuintri cun Marina Tolazzi di Tiere Viere – AgriKulturAlpina
La buinore passade a esplorâ i foradôrs e i salts di aghe dal Cjanâl di Racolane si siere cu la scuvierte di un puest inmagant tant che la Val di Aupe. Lis ativitâts turistichis e di acet che a vegnin proponudis culì a son il risultât de fature di tantis gjenerazions che vie pai secui a àn curât, modificât e miorât un ambient alpin cetant disvantazôs par fâlu deventâ “fruibil” dal pont di viste uman. Vuê di fat o podìn gjoldi di puescj maraveôs che se no, forsit, no ur varessin fat masse câs.

Diretôr di produzion: Paolo Cantarutti
Coordenadore de edizion: Federica Vincenti
A presentin: Francesca Battistutta e Cristian Pressacco

Ta cheste pontade:
Marina Tolazzi (www.tiereviere.net)

Trasmetude da RAI 3 Regjonâl intal 2015 e intal 2016.