Maman!© – 02-11 – PRIMEVERE

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Primevere (11). Siôr Timp al à puartât la Primevere: cuant che e rive, il mont si jemple di colôrs e la lûs si scjalde, a nassin i butui, lis rosis a jemplin l’aiar di profums diviers; lui al è tant content, il cûr i bat fuart e i somee di balâ insiemi cun jê: la Primevere, la vere stagjon dai amôrs. Ogni matine al pense a jê e duncje al à decidût di invidâle fûr a cene doprant une pavee tant che messazere: ma al è dificil cjapânt une! Daria e Chiara si cjatin in cjase par preparâ un ortut su la terace: e je rivade la Primevere e lis zornadis a son plui lungjis e plui cjaldis, perfetis par zuiâ tal viert e par semenâ. Intun puarte ûfs di carton, lis dôs amiis a metaran tiere, semence di salate e un pocje di aghe, par dopo traplantâ lis plantutis intal ort o intun vâs plui grant. Finît il lavôr, a cjantin insiemi “Ven cun me e je Primevere” e Daria e va a fâ dôs cjacaris cun Vigji.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com