Maman!© – 03-12 – LA BEFANE

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: La Befane (12). Daria e telefone a Chiara e le invide a lâ insiemi in biblioteche. Incuriosidis des gnovis edizions di libris par furlan, a lein un librut de golaine “Free & Ulli”. Lis lôr aventuris a son tant divertentis che a decidin di scrivi une letare ae Befane par domandâi in regâl i libris dai doi personaçs. Ma la Befane e fasarà di plui, lassant sot dal arbul di Maman! Free & Ulli in cjar e vues! Lis dôs amiis, tant contentis, a intonin la cjançon “E je rivade la Befane”. Daria, a zornade finide, e conte la sô aventure al gjat Vigji.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com