Maman!© – 02-15 – FÂS BOCJE DI RIDI!

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Fâs bocje di ridi! (15). Siôr timp al è daûr a scrivi suntun biliet un biel enigme par consolâ Daria che vuê e je avilide. E al ripet la sô formule magjiche. Daria e je avilide e no capìs nancje jê il parcè: e je la Vierte, e à une biele torte ma no à voie di nuie. E rive Chiara che e cîr di rinfrancjâle in ducj i mûts: forsit, la felicitât e je scjampade, i dîs… cumò le cîr! Ma nancje chest zûc al rive a judâ Daria; alore Chiara e prove cui proverbis e i ricuarde che e esist simpri une biele reson par jessi contents vie pe zornade. Ma nuie ce fâ: Daria no rive a ripiâsi e alore Chiara e cjate la soluzion: cjante che ti passe! Chest al è un rimiedi universâl! Cussì lis dôs amiis a cjantin “Fâs bocje di ridi” e ae fin de cjançon Daria e dîs “tu vevis reson: cjantâ mi à fat ben pardabon!” Ogni tant si pues jessi avilîts ancje par nuie e si pues jessi contents ancje par robis pardabon piçulis. Fâ bocje di ridi nol coste nuie e la bielece che e je dute ator di nô nus cambie l’umôr. Cuant che, a serade finide, Daria e conte la zornade a Vigji e cjate il biliet di Siôr Timp cu la soluzion al enigme: e jere la bocje di ridi!

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com