Maman!© – 03-16 – A CARNEVÂL OGNI MATEÇ AL VÂL

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: A Carnevâl ogni mateç al vâl (16). Daria si divertìs tant a fâ scherçs ai amîs. Cussì, cu la complicitât di Free & Ulli, e decît di lâ a cjatâ Chiara. Une volte jentrâts in cjase, Chiara, cence savêlu, e devente la vere protagoniste di “A part i scherçs”; i trê burlons, di fat, a fasin crodi di fâ robis une vore malcreançosis: Daria e mangje cu la bocje vierte e si sofle il nâs cu la tavaie, intant che Free & Ulli si tirin lis cjartatis. Chiara e je simpri plui stomeade: lis personis educadis no fasin chestis robis! Ma i siei amîs a van indenant cul scherç par viodi cuale che e sarà la sô reazion. Fin che Chiara, stomeade, no decît di parâju fûr di cjase. Dome in chel moment, Daria i spie dut, disint che al jere un scherç. Ae fin de zornade, Daria e conte a Vigji che tra amîs, se alc nol plâs o nus da fastidi, al è impuartant dîsi la veretât ma o scugnìn ancje visâsi che… a carnevâl ogni mateç al vâl!

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com