Maman!© – 02-17 – JO O SOI MAI

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Jo o soi Mai (17). E je rivade la Vierte e Siôr Timp al ripet la sô formule magjiche e al propon l’enigme de setemane. Daria e je daûr a fâ i compits pe dì dopo: e à di contâ cuâl che al è il stât european che i plâs di plui. Chiara e ven a cjatâ la amie che i domande di induvinâ cuale che e sarà la sô rispueste. Il paîs amât di Daria e je la Austrie, e su chest e conte lis robis plui impuartantis: i confins, la capitâl, i plats tipics tant che la Wienerschnitzel e la Sacher torte e ancje il souvenir che e à comprât, un biel vistît tradizionâl. Daria e invide Chiara a balâ, jê no volarès parcè che no je buine, ma Daria jal insegne. A cjantin dopo “Jo o soi Mai”, a lein la storie “Moviti” di Free&Ulli (ed. Futura) e, plui tart, Daria e fevele cun Vigji tal tinel.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com