Maman!© – 03-02 – AL RIVE OTUBAR

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, zuin, a contin barzaletis e a lein contis.

In cheste pontade: Al rive Otubar (2). Siôr Timp al è daûr a preparâ une sorprese par Daria e Chiara: cuntun trapin al fâs lis busis intune fersorie par regalâle aes sôs amiis, cussì a podaran cuei lis cjastinis. Ripetint la formule magjiche, al propon il so induvinel. Daria e Chiara a son tal zardin e a sintin la tiere che si lamente pal frêt. Lis dôs amiis a cirin di judâle: a cjolin cuviertis, ma a son masse curtis, a provin a riscjaldâ la tiere cul suiecjavei ma jê e je masse grande. L’arbul di Maman! però al à la soluzion: al telefonarà a ducj i arbui dal mont par che, cuant che al tache l’Invier, a fasin colâ lis lôr fueis su la tiere in mût di formâ une biele pelice. Daria e Chiara, contentis, a cjantin “Al rive Otubar” e dopo a lein la storie di “GiatUT e la ruie”. Daria no si dismentee di fâ la sô fevelade cuotidiane cun Vigji.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Tommaso Ravo
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com