Maman!© – 03-21 – NINENANE

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Ninenane (21). I abitants dal bosc di Maman! a àn ducj un grant cefâ: Chiara si dediche aes puliziis di cjase, Daria invezit e je daûr a studiâ, intant che Free al saltuce e Ulli al zuie di balon. Ma, di bot, al somee che ducj a sedin cjapâts di une grande sium: a scomencin a sossedâ, e a planc a planc si indurmidissin propit intant che a son daûr des lôr ativitâts. Ce strache! Il lôr cuarp e il lôr cjâf a son in moviment di dut il dì, dal sigûr a àn bisugne di un pocje di polse: la cjançon dolce “Ninenane ninenane” ju judarà a durmî serens. Bisugne imparâ a scoltâ i segnâi che il nestri cuarp nus mande par fânus capî che o sin stracs, e al è impuartant durmî e polsâ in mût di tornâ a cjamâ lis energjiis e di recuperâ lis fuarcis.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com