Maman!© – 03-28 – LIS VÔS DAI ANIMAI

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Lis vôs dai animâi (28). Daria e Chiara a son daûr insiemi a studiâ siencis. Stant che fûr e je une biele zornade, lis dôs amiis a decidin di vierzi i barcons ma i animâi dal vicinât a scomencin a fâ une grande confusion, tant che Daria e Chiara no rivin plui a studiâ. Il mus al rone, la vacje e mungule, la gjaline e clocje… Par fortune, Chiara e à la buine idee di clamâ Free & Ulli par che a puedin fâ di interpretis cui animâi e domandâur un pôc di cidinôr. Cjatade la soluzion, lis dôs amiis a puedin tornâ a studiâ in trancuilitât. Però, cetancj viers che a fasin i animâi! Voaltris ju cognossêso? Imparìnju insiemi cun Daria e Chiara cu la cjançon “Lis vôs dai animâi”, e metintsi ae prove cun cualchi zûc. Prime però, un bon libri – che il so protagonist al è propit un animalut – “Mariutine e i miluçs” (La Grame Edizions).

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com