Maman!© – 03-03 – LA GNOT DAI MUARTS

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: La Gnot dai muarts (3). Siôr Timp si sta preparant pe Gnot dai muarts, al recite la sô formule magjiche e al propon l’induvinel. Daria e Chiara a son daûr a fâ un lavorut par cheste ocasion: lis crepis cu lis sioris! E a fevelin di cemût che “scherçut o dolçut” e sedi une usance che e ricuarde il zîr di cuestue dai fruts di une volte in Friûl. Chiara e propon a Daria di viodi un video su lis tradizions furlanis pe Gnot dai muarts, e cussì a scuvierzin la sô origjin e tantis usancis de culture tradizionâl leadis a chê gnot particolâr. Finît il video, a cjantin insiemi “La gnot dai muarts” e Daria, dute contente pes tantis robis che e à imparât cul video di Chiara, lis condivît cun Vigji.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Tommaso Ravo
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com