Maman!© – 03-30 – IL TEMPORÂL

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Il temporâl (30). Aiar frêt, ploie, tons e lamps… ce pôre il temporâl che al ven jù sul bosc di Maman! usgnot! Daria, Chiara, Free & Ulli, bessôi  intes lôr cjasis, a son pardabon spaurîts. A decidin duncje di lâ a cjase di Daria par stâ ducj insiemi e par fâsi compagnie fin che il temporâl nol mole. Intant, a cjantin la cjançon “Il temporâl” e, finît il burlaç, i cuatri amîs a son plui trancuîi e a decidin di disfrutâ la ocasion par organizâ une fieste in pigjame une vore divertente… Dome Vigji ancjemò no si fâs viodi: cuissà dulà che si è platât, chel gjat paurôs!

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com